Тут жыве вера, любоў, дабрыня, міласэрнасць: у Смілавіцкай школе прайшла інфармацыйная гадзіна пра каштоўнасці праваслаўнай кнігі

21 сакавіка ў сярэдняй школе №1 г.п. Смілавічы адбылася цікавая і натхняльная сустрэча, арганізаваная школьным бібліятэкарам Марынай Уладзіміраўнай Бортнік. У межах Тыдня праваслаўнай кнігі яна правяла інфармацыйную гадзіну пад назвай “Тут жыве вера, любоў, дабрыня, міласэрнасць…” для вучняў 5-6 класаў.

Падчас мерапрыемства Марына Уладзіміраўна пазнаёміла школьнікаў з літаратурай, якая раскрывае тэмы веры, дабрыні, міласэрнасці і чалавечнасці. Пасля знаёмства з кнігамі кожны з удзельнікаў меў магчымасць падзяліцца сваімі думкамі і разважаннямі пра тое, што значыць быць добрым, выяўляць спачуванне і павагу да іншых, дапамагаць тым, хто слабейшы.

Гэтая сустрэча не толькі пашырыла веды вучняў пра праваслаўную культуру і яе каштоўнасці, але і нагадала пра важнасць узаемаразумення, спачування і дабрыні ў паўсядзённым жыцці. Дзякуй Марыне Уладзіміраўне за такі цікавы і паўнавартасны ўрок, які, безумоўна, пакінуў след у сэрцах усіх прысутных!